فالبدايه حابه اقولكم ان عندي عدة انواع من الاسبريات من ماركات مختلفة بس هالاسبراي من كادولي فعلا يستحق الذكر ،صارلي استخدمه اكثر من 6 شهور بعد ما قريت عنه عند البلوقرز الاجنبيات انه مثبت للميكب او يستخدم قبل الميكب كتونر ، فالبداية خذت الحجم الصغير كتجربه، موجود في صيدليات ابن سينا فدبي ، وبعد استخدامي له وااايد حبيته وبقولكم شو اللي حبيته فيه
- اولا يوم ترشينه رشته خفيفه يعني تتوزع بطريقه جدا جميله ع كامل الويه وبدون ما يكون مركز عالمنطقه الي رشيتي فيها يعني لو وايد رشيتي ما تحسين لانه رشته اطلع شوي بس و بنفس الوقت تتوزع فكل مكان مش مكان واحد نفس الفكس بلس من ماك
- ريحته وايد احبها تحسينها ريحتة نظافة على ريحة اسبا يعني مب ريحة معطره بس ريحه اتريح
- فيه زيوت مفيده للبشره ولازم اتهزين المنتج قبل الاستخدام وحتى بتلاحظون ان في ماده صفرا متيمعه فوق يعني لازم تهزونه شوي قبل الاستخدام و يوم ترشينه ابدا ما تحسين انه يسبب اي دهون للبشره رغم ان بشرتي مختطله
- انا احب استخدمه كبيس قبل الميكب او كمثبت بعد الميكب و فالحالتين النتايج رووعه و بتحبونه
بعد ما ترشونه انتبهو اتبطلون عيونكم علطول لانه ممكن يحرق شوي يعني اتريو عليه كم من ثانيه
من اسبوعين كنت في سيفورا دبي مول و شفت انهم حاطين منتجات من كادولي عند الكاشير و سألتهم اذا هالماركه متوفره عندهم و قالتلي انها بتكون متوفره فخلال فتره قصيره و عالعموم هي موجوده في صيدليات ابن سينا و حجم الصغير اظني بشي وثمانين درهم و الكبير ب اميه وشي .
No comments:
Post a Comment